Page 68
Page 69
© 2018 MSA
© 2018 MSA
P/N 10147049
P/N 10147049
ҚАЗАҚША
АБАЙЛАҢЫЗ
(1) Жүкшығыр тағылмаған кезде жүкті жүкшығырда ілінген күйде қалдырмаңыз. (2) Әрқашан жүкшығыр барабанынан тікелей тартылып шыққан
арқанның бұрышта болмауын қадағалаңыз. (3) Жүкшығыр сипаттамалары жапсырмасында көрсетілген ең ауыр адам салмағынан артық
салмақты ешқашан көтермеңіз. (4) Жүкшығыр механикасын ешқашан өзгертпеңіз. (5) Адамды көтеріп-түсіру үшін екі не одан көп жүкшығырын
ешқашан пайдаланбаңыз. Адамды көтерген кезде барлық салмақ жүкшығырға түсіп, екі құрылғы да кезегімен бұзылып қалуы мүмкін. (6) Әрбір жүк
көтерілген сайын, алдымен бірнеше килограмм жүкті көтеру арқылы жүкшығырды тексеріп тұрыңыз. (7) Пайдалану барысында қолдарыңызды
әрқашан жүк көтеру арқандарының, шкивтердің және барабандардың қасындағы қысу аймақтарынан аулақ ұстаңыз. (8) Арқанды бағыттау
арқылы шығарғанда немесе жинағанда барабан әрқашан біркелкі айналатын болсын. Сым арқан жаңқалары қолды кесіп кетпес үшін, арқанды
әрқашан қолғап киіп бағыттаңыз. Пайдалану барысында біркелкі айналуды үздіксіз тексеріп тұрыңыз. (9) Оператор бөлігіндегі баланс жоғалған
жағдайда немесе адам жүгі құлаған жағдайда жарақаттануға себепші болатын кез келген құлау қаупі бар немесе адам жүгі құлауы мүмкін жерден
жүкшығырды пайдаланушының алысырақ орналасуы өте маңызды шарт болып табылады. Жүкшығырды құлау қаупі бар жерде пайдаланған
кезде, оператор тәуелсіз тірекке бекіткішке жалғанған тиісті құлаудан қорғау жабдығын киюі керек. (10) Барлық жапсырма жазбалары анық
болуы керек және оператор жүкшығыр корпусы мен арқан арасында тұрмауы керек. Жүкшығыр операторы жүкшығырды пайдаланған кезде ол
әрқашан корпус пен адам жүгінің арасындағы имек саптың қасында болуы керек. (11) Жүкшығырды жұмыс тобының кез келген мүшесі қысым
түсірілген күйдегі арқанды ұстайтын жерге ешқашан орнатпаңыз. Егер арқан тайып не үзіліп кетсе, оның бойындағы қысым арқанның ытқып
барып ауыр жарақатқа немесе өмірге қауіп төндіретін жарақатқа әкеп соқтыруы мүмкін.
(2) Адам салмағын төмендету: Ілінген адамның салмағын түсіру үшін, имек сапты сағат тілі бағытына қарсы бұраңыз. Ілінген жүк болмаған кезде жүкшығырдан арқанды
шығару үшін арқанды кемінде 6,75 кг күшпен тартып тұрып, сапты сағат тілі бағытына қарсы бұраңыз. Көтеруді жалғастыру үшін имек сапты сағат тілі бағытына қарай
бұраңыз.
(3) Ілініп тұрған адамды тоқтату: Адамды ілу үшін, имек сапты жайлап босатыңыз.
(4) Ілініп тұрған адамды көтеру: Ілінген адамды көтеру үшін, имек сапты сағат тілі бағытымен бұраңыз. Арқан орамға жиналған кезде «сырт» еткен дыбыс шығады.
Арқанды орап жатқан кезде, арқанның барабанға біркелкі және тығыз оралып жатқанына көз жеткізіңіз.
АБАЙЛАҢЫЗ
Құлаған жағдайда, қосымша тежегіш ілмегін босату үшін түсіру алдында көтеріңіз. Түсіруге әрекеттенбес бұрын алдымен барабанды кемінде бір
жарты айналымға көтеріңіз. Құлаудан кейін қосымша тежегіш ілмегі босатылмайынша, жүкшығыр арқанды жинамайды.
(5) Қышқылды, сілтілі немесе басқа да өткір химикаттары бар орталар осы MSA Workman Winch жүкшығыры құралдарының элементтерін зақымдауы мүмкін. Химиялық
зиянды ортада жұмыс істеп жатсаңыз, ерекше жағдайларыңызда пайдалануға болатын жүйе бөліктерін анықтау үшін MSA компаниясынан кеңес алыңыз. Химиялық
қауіп-қатерлер, ыстық және шіріткіш нәрселер MSA Workman Winch жүкшығырын зақымдауы мүмкін. Химиялық қауіп-қатерлері, ыстық және шіріткіш нәрселер бар
орталарда жиі орындалатын ресми тексерулер жүргізілуі қажет. Температурасы -40°C-тан төмен және 54°C-тан жоғары орталарда пайдаланбаңыз. Шіріткіш орталарда
ұзақ уақыт бойы пайдаланбаңыз. Қуатты электр көздеріне жақын жерде жұмыс істеген кезде өте сақ болыңыз. Электрлік қауіп-қатерлі заттарға дейінгі қауіпсіз жұмыс
істеу арақашықтығын (дұрысы кемінде 3 м) сақтаңыз. Жылжымалы құрылғы бөліктеріне жақын жұмыс істеген кезде (мысалы, конвейерлер, айналмалы біліктер, престеу
құралдары және т.б.), жүйенің кез келген бөлігінде босап кеткен жерлердің жоқтығына көз жеткізіңіз.
9. Тексеру нұсқаулықтары:
Барлық MSA өнімдері пайдалануға жеткізілу алдында зауытта бақылаудағы жағдайларда тексеріледі және сыналады. Құрылғы зиянды
болуы мүмкін орталарда және жұмыс орны жағдайларында пайдаланылатын болса, пайдаланушының құрылғыны тексеруі, күтім көрсетуі және сақтауы маңызды болып
табылады. Әрбір қолданыс алдында пайдаланушы нұсқаулар мен жапсырмалардағы ескертулерді ескере отырып, құрылғыны тексеруі керек. Құрылғының жұмысқа
жарамдылығын осы бөлімдегі нұсқауларға сай тексеріңіз және құрылғының шамадан тыс жыртылған, зақымданған, өзгерген немесе жоғалған бөлшектерінің бар-жоғын
тексеріңіз.Мерзімді тексерістердің жиілігі қоршаған орта жағдайлары мен құрылғының пайдаланылу жиілігіне тәуелді. Осы тексерудің нәтижелері осы пайдаланушы
нұсқаулығының соңындағы тексеру формаларын пайдаланып рәсімдеу керек. Өнімді тексеру кестесіндегі тиісті ай мен жылды болат мөрді пайдалану арқылы, жүкшығыр
корпусын зақымдап алмай біржола белгілеу керек.
АБАЙЛАҢЫЗ
Жүкшығырдың кез келген функциясын тексеру үшін сынап көруге арналған жүк қажет болса, адамды жүк ретінде пайдаланбаңыз. Жүкшығырдың
астындағы аймақтың кедергілерден таза және бос екенін тексеріңіз. Әрбір қолданудан бұрын жүкшығырдың функцияларын тексеріп алыңыз.
(1) Арқанның шығарылуын және жиналуын тексеру: Сапты пайдалануға мүмкіндік беру үшін, жүкшығырды тиісті тірекке бекіткішке (MSA Workman Tripod штативі сияқты)
орнатыңыз. Жүкшығыр арқанына түсетін қысымды сақтай отырып, арқанды тарқату үшін сапты сағат тілі бағытына қарсы бұраңыз. Арқанның дұрыс жиналатынын
тексеру үшін сапты сағат тілі бағытымен бұраңыз. «Сырт» еткен дыбыс арқан жинау мүмкіндігінің жарамдылығын көрсетеді. «Сырт» еткен дыбыс шықпаса, өнімді
қолданыстан шығарып, MSA компаниясына қайтарыңыз. Арқанды шығару және жинау барысында орау бағыттауышының арқанды барабанға тығыз орайтынына көз
жеткізіңіз. (2) Саптың тексерілуі: Сапта жарықтар, майысқан жерлер және шіріктер бар-жоғын тексеріңіз. Осы жағдайлардың біреуі табылса, өнімді қолдануды тоқтатып,
MSA компаниясынан басқа саппен ауыстыруын талап етіңіз. (3) Белгілерді тексеру: Барлық жапсырмалардың бар екеніне көз жеткізіңіз. Барлық жапсырмалардың таза
(зақымданбаған) және анық екенін тексеріңіз. (4) Болттар мен гайкаларды тексеру: Саусақтарыңызбен корпустағы барлық болттар мен гайкалардың қатайтылғанына көз
жеткізіңіз. Босап кеткені болса, қатайтыңыз. Кез келген болттың, гайканың немесе басқа бөліктердің бар-жоғын, дұрыс ауыстырылғанын немесе қандай да бір жолмен
өзгертілмегенін тексеріңіз. (5) Орнату кронштейнін, корпусты және барабанды тексеру: Корпуста, барабанда және орнату кронштейнінде жарылу, майысу, созылу немесе
үзілу белгілерінің бар-жоғын мұқият қарап тексеріңіз. Пайдалануға кедергі жасамайтын шағын майысқан жерлер пайдаланушының шара қолдануын қажет етпейді. Егер
бөлікте жарық табылса, қызмет көрсету орталығына тапсырыңыз. Құрылғыны абайсызда құлатып алудан ішкі бөліктер аздап майысуы мүмкін. Престеу пластинасы
мен барабанның қажалу белгілерінің бар-жоғын тексеріңіз. Бұл барабандағы фланецтердің жыртылуынан білінеді, сонымен қатар пайдаланушы имек сапты бұраған
кезде біркелкі емес қарсылықты сезуі мүмкін. Жүкшығырдың дұрыс жұмыс істеуіне кедергі келтіретін зақым орын алса, оны пайдалануды дереу тоқтатыңыз. Жұмыс
істеуге кедергі келтірмейтін шағын майысқан және қисайған жерлер пайдаланушының шара қолдануын қажет етпейді. (6) Айналсоқты тексеру: Айналсоқтың барлық
бөліктерінде өзгеріс, тозық, жарықтар, терең ойықтар, майысқан жерлер немесе кесіктер белгісінің бар-жоғын тексеріңіз. Сонымен қатар, айналсоқтың мықтылығына әсер
ететін өте ыстық нәрсеге тию белгісінің бар-жоғын тексеріңіз. Шіру немесе шамадан тыс тозу белгілерінің бар-жоғын тексеріңіз, ал құрылғының мықтылығына немесе
жарамдылығына әсер ететін кез келген тозу және/немесе шіру белгілері анықталса, өнімді пайдалануды тоқтатыңыз. Айналсоқтың айналмалы көзге жалғанатын жеріндегі
болттың еркін айналатынына көз жеткізіңіз. (7) Арқан бекітпелерін тексеру: Кабель: Екі доғаны және ұшты тексеріңіз. Егер пайдаланушы арқанында айналсоқты тағуға
байланысты жалғау ілмегі жасалған болса, жалғау ілмегін босап немесе ілмектеліп кеткен жерлерін толық және тығыз етіп жасыру керек. Синтетикалық арқан: Буфер
және пластик барабанның ішіндегі талшықтарды тексеріңіз. Талшықтар бүлінген жағдайда құрылғының пайдалануын тоқтатыңыз. Синтетикалық арқанның қызмет ету
мерзімі – 10 жыл. Дегенмен, мына факторлар өнімнің тиімділігін және қызмет ету мерзімін азайтуы мүмкін: дұрыс сақтамау, дұрыс пайдаланбау, механикалық майысу,
химикаттарға (қышқылдар мен сілтілер) тиіп кету және жоғарғы температураға шығару. Осы орталарда тексеруді жиілету керек. (8) Шкивтерді тексеру: Шкивтің барлық
бөліктерінде өзгеріс, тозық, жарықтар, терең ойықтар, майысқан жерлер немесе кесіктер белгісінің бар-жоғын тексеріңіз. Шіру немесе шамадан тыс тозу белгілерінің
бар-жоғын тексеріңіз, ал құрылғының мықтылығына немесе жарамдылығына әсер ететін кез келген тозу және/немесе шіру белгілері анықталса, өнімді пайдалануды
тоқтатыңыз. (9) Карабинді тексеру: Карабиннің барлық бөліктерінде өзгеріс, тозық, жарықтар, терең ойықтар, майысқан жерлер немесе кесіктер белгісінің бар-жоғын
тексеріңіз. Шіру немесе шамадан тыс тозу белгілерінің бар-жоғын тексеріңіз, ал құрылғының мықтылығына немесе жарамдылығына әсер ететін кез келген тозу және/
немесе шіру белгілері анықталса, өнімді пайдалануды тоқтатыңыз.
ЕСКЕРТУЛЕР
Сақтандырғыш байлауы құлаудан қорғау жүйесінде пайдалануға болатын жалғыз рұқсат етілген денені ұстау жабдығы.
Құлаудан қорғау жүйесін ТЕК тартпа баудың артқы D пішінді доғаға немесе алдыңғы D пішінді доғаға тек «A» құлаудан қорғау жүйесінің тіркеу құлақшасымен жалғануы
КЕРЕК. Бұл нүктелерді құтқару жүйесін жалғау үшін де пайдалануға болады. Жамбасқа арналған D пішінді доғаны құлаудан қорғау немесе өрмелеу қорғанышы жүйесі үшін
ешқашан пайдаланбаңыз. Дене тартпа бауының жамбасқа арналған D пішінді доғасы жүкті бағыттау жүйесін (EN 358) (Кедең Одағының техникалық нұсқамасы TP TC 019/2011;
Украиналық стандарт: ДСТУ EN 358:2001) жалғау үшін ҒАНА пайдалану КЕРЕК және ЕШҚАШАН құлаудан қорғау немесе өрмелеу қорғанышы жүйесі үшін пайдаланылмауы
керек.
MSA Workman Winch жүкшығырының жұмысқа жарамды екенін әр қолданар алдында тексерк ҚАЖЕТ. MSA Workman Winch жүкшығырының әрбір метрінің қатты тозбағанын,
элементтердің жоғалмағанын немесе сынбағанын, шірімегенін немесе басқа да зақымдардың бар-жоғын тексеріп отырыңыз. Жапсырмалардың бар-жоғын немесе анықтығын
тексеріңіз; дұрыс жұмыс істемеу, дұрыс киілмеу немесе өзгеру белгілерінің бар-жоғын тексеріңіз. Егер тексеру барысында қауіпті жағдай байқалса, MSA Workman Winch
жүкшығырын білікті маман жазбаша құптамайынша пайдаланбаңыз. Тексеру нұсқауларын көріңіз.
MSA Workman Winch жүкшығырын жөндеуге немесе өзгертуге ешқашан ӘРЕКЕТТЕНБЕҢІЗ. MSA Workman Winch жүкшығырын тек MSA компаниясы немесе MSA
компаниясынан жазбаша рұқсат алған тараптар ғана жөндей алады. Бұл жүйе тиісті шектеулерден тыс немесе арнайы мақсаттардан басқа кез келген мақсаттар үшін
пайдаланылмауы керек.
Айналсоқтар мен карабиндерді бір-бірімен жалғауға болмайды. Бауда түйіндер болмауы керек. Екі айналсоқты бір D пішінді сақинаға жалғамаңыз. Айналсоқтың дұрыс
тағылғанын тексеру үшін сезімдеріңіз бен дыбыстарға сенбеңіз. Оның дұрыс тағылғанын әрқашан көріп тексеріңіз. Пайдаланбас бұрын вентиль мен бекітпенің жабылғанын
тексеріңіз.
Корпустың майысуының немесе қисаюының алдын алыңыз. Құрылғыны кез келген биіктіктен тастап жібермеңіз. Оны әрқашан абайлап қойыңыз. Қолданыста болған кезде,
арқанды өткір бұрыштар мен жиектерден қорғаңыз. Ілмектердің қайырылып оралуының және тығыз тартылуының алдын алыңыз, әйтпесе ол арқанның бүктеліп қалуына
себеп болады. Корпусқа бөгде заттардың енуіне жол бермеңіз. Арқанда жаңқалардың немесе үзіктердің болуына жол бермеңіз. Нысандар құлап кетуі немесе бұл құрылғының
жұмысына не тиісінше қызмет ету мүмкіндігіне басқаша кедергі келтіруі мүмкін жерлерде қолданбаңыз.
Егер MSA Workman Winch жүкшығыры бастапқы межелі елден тыс жерде қайта сатылса, MSA Workman Winch жүкшығыры сатылатын ел тіліндегі пайдалану, күтім көрсету,
кезеңді түрде тексеру және жөндеу нұсқаулықтары мен қатысты қосымша мәліметтерді делдал береді, бұл пайдаланушының қауіпсіздігі үшін маңызды болып табылады.
Осы ескертулерді орындамау немесе дұрыс пайдаланбау ауыр адам жарақаттарына немесе өлімге себепші болады.
ТЕХНИКАЛЫҚ КҮТІМ КӨРСЕТУ ЖӘНЕ САҚТАУ
Осы өнімге пайдаланылған материалдардың жағымсыз әсерлерге ұшырауына жол бермеу үшін, осы бөлімдегі тазалау нұсқауларын қатаң ескеріңіз.
Жапсырмаларды шірітуі немесе жазулардың анық оқылуына кедергі жасауы мүмкін кірді немесе дақты тазалау үшін, таза және дымқыл (ылғал емес) шүберекті кезеңді түрде
пайдаланыңыз. Корпусты тазалау үшін еріткіштерді ешқашан пайдаланбаңыз, себебі олар жапсырманың желімін кетіруі мүмкін. Арқанды құрылғыға жинай отырып, таза және
құрғақ шүберекпен сүртіңіз. Қажет болса, осы операциядан кейін арқанды майлаңыз.
Май тек таза және құрғақ сым арқанға жағылуы керек, себебі ол тек металға тиген кезде ғана тиімді болады. Егер тексеру барысында кірлеген жерлер анықталса, кірді кетіру
үшін тығыз орналасқан талшықтары бар щетканы (сым щетка емес) пайдаланыңыз. Бензинді немесе керосинді ешқашан еріткіш ретінде пайдаланбаңыз. Арқан тарамдарының
арасындағы қуыстарды тазалауға ерекше назар аударыңыз, осының арқасында май арқан өзегіне сіңіп, осы қуыстарды толтырады да, ылғал мен бөгде заттарды кіргізбейді.
Шіріткіш емес, ылғал өткізбейтін қасиеттері бар, жабысқақтығы төмен майды пайдаланыңыз. Оны щеткамен немесе майға батырылған шүберекпен жағуға болады. Артық
майды құрғақ шүберекпен сүртіп тастаңыз.
Майлау уақыт аралықтарын көрсету мүмкін емес нәрсе. Дегенмен, арқанды әрқашан дұрыс майлап отыру керек, оның қашан орындалатынын кезеңді түрде тексеру барысында
көресіз. Шіріткіш орталарда арқанды анағұрлым жиі тазалау және майлау керек. Егер жүкшығыры ұзақ уақыт бойы пайдаланылмайтын болса, оны сақтау алдында арқанды
тазалап барып майлау керек.
Ескертпе: Жүкшығырдың арқаны мен айналсоғынан басқа ешқандай бөлігін майламаңыз. Жүкшығырдың айналу механизмін майлаудың мүлдем қажеті жоқ. Мойынтіректер
мәңгіге майланған. Жүкшығырда пайдаланушы қызмет көрсететін бөліктер жоқ. Зақымданған немесе техникалық күтім көрсетуді қажет ететін құрылғыны «ЖАРАМСЫЗ» деп
белгілеп, қолданыстан шығару керек. Жергілікті заң талаптарына сай қолдану. Қосалқы бөлшектерді ауыстыру сияқты түзету (тазалаудан басқа) және жөндеу жұмыстарын
MSA орындауы керек. Өз бетіңізше жөндеуге әрекеттенбеңіз.
MSA компаниясы төменде көрсетілген кестедегі аралықтарға сәйкес механикалық құрылғыларды жүйелі түрде зауыттың өкілетті қайта сертификаттауынан өткізуді ұсынады.
Бұлай ету дұрыс болып табылғанымен, ол құзырлы маманның өз қалауы бойынша орындалады. Төменде көрсетілген кестедегі аралықтарға немесе жергілікті ережелерге
сәйкес MSA компаниясы құзырлы маманды пайдаланушыдан басқа біреу жүйелі түрде тексеруін талап етеді. Бұл міндетті түрде орындалуы керек.
Пайдалану түрі
Қолдану мысалдары
Пайдалану жағдайлары
Білікті маман тарапынан
жүргізілетін МІНДЕТТІ
тексеру жиілігі
Зауытпен
мақұлданған қайта
сертификаттаудың
ҰСЫНЫЛАТЫН жиілігі
Сирек - жеңіл
Құтқару және шектеулі орта,
Зауыттық қызмет көрсету
Жақсы сақтау жағдайлары, іштей немесе сирек
сырттай пайдалану, бөлме температурасы, таза
орта
Жыл сайын
Кемінде әр 2-5 жыл
сайын
Орташа - ауыр
Тасымалдау, ғимараттарды
салу, жабдықтар, қойма
Көрмелік сақтау жағдайлары, ішкі және
ұзақ мерзімді сыртқы пайдалану, барлық
температуралар, таза немесе шаңды орта
Жарты жыл - жыл сайын
Кемінде әр 1-2 жыл
сайын
Күрделі - үздіксіз
Сауда құрылысы, мұнай және
газ, тау-кен ісі
Ауыр сақтау жағдайлары, ұзақ немесе үздіксіз
сыртқы пайдалану, барлық температуралар, лас
орта
Тоқсан - жарты жыл сайын
Кемінде жыл сайын
AS/NZS 1891.4 құралын кемінде әр 6 ай сайын құзырлы маман тексеріп тұруы қажет. Оған қоса, 5 жылда кемінде бір рет биіктіктегі қауіпсіздік жабдығын тексеруші маман
тарапынан қызмет көрсетілуі қажет. MSA Workman Winch жүкшығырын салқын, құрғақ, таза және күн түспейтін жерде сақтаңыз. Ыстық, ылғал, жарық, мұнай өнімдері және
химикаттар немесе олардың булары не басқа да тоздырғыш нәрселері бар аймақтардан аулақ жерде ұстаңыз. Зақымданған немесе техникалық қызметті қажет ететін
құрылғыны жарамды құрылғы тұрған жерде сақтамаңыз. Қатты кірлеген, ылғалданған немесе басқаша түрде ластанған құрылғыны сақтамас бұрын оған дұрыс техникалық
күтім (мысалы, кептіру және тазалау) көрсетілуі керек. Біраз уақыт бойы сақталған құрылғыны пайдаланбас бұрын, білікті маман «Ресми тексеру» әрекетін орындауы керек.
MSA Workman Winch жүкшығырын тасымалдаған кезде оны кесіктерден, ылғалдан, химикаттардан және олардың буларынан, экстремалды температуралардан және
ультракүлгін сәуледен қорғау үшін өзінің орамына салып жүріңіз.
Бөліктер мен керек-жарақтар тізімі:
Элемент нөмірі
Топтама нөмірі
Сипаттамасы
Нұсқаулықтағы сурет нөмірі
1
10116521
MSA Workman Tripod штативі
42
2
506222
Шкив
41
3
10129888
Карабин
40
ҚАЗАҚША
