ҚАУІПСІЗДІК ТУРАЛЫ МАҢЫЗДЫ ЕСКЕРТУЛЕР
АБАЙ БОЛЫҢЫЗ!
1.
Өрт шығу не ток соғу қауіпін азайту үшін жабдықты электр өткізетін ластауыш
заттардан таза, температурасы мен ылғалдық деңгейі бақыланатын жабық ғимарат
ішіне орнатыңыз.
2.
ҮҚК шамадан тыс қызып кетпеуі үшін оның желдеткіш тесіктерін жаппаңыз және оған
тікелей күн сәулелерін түсірмеңіз немесе жылытқыштар не пештер сияқты жылу
шығаратын құрылғылардың жанына орнатпаңыз.
3.
Медициналық жабдық, өмірді қамтамасыз ету жабдығы, қысқа толқынды пештер
немесе шаң сорғыштар сияқты компьютерге байланысты емес жабдықтарға ҮҚК-ны
жалғамаңыз.
4.
ҮҚК-ға ұзартқышты немесе кернеу тұрақтандырғышын қоспаңыз.
5.
ҮҚК кірісін оның өзінің шығысына жалғамаңыз.
6.
Сұйық не басқа бөгде заттардың ҮҚК ішіне кіруіне жол бермеңіз. Сусындарды немесе
ішінде сұйықтығы бар кез келген ыдыстарды жабдық үстіне не жанына қоймаңыз.
7.
Төтенше жағдай орын алғанда OFF (Өшіру) түймесін басып, ҮҚК жабдығын дұрыс
өшіру үшін қуат сымын АТ қуат көзінен ажыратыңыз.
8.
Тазаламас бұрын ҮҚК жабдығын ток көзінен ажыратыңыз, ешбір сұйық не спрей
түріндегі тазалау құралын пайдаланбаңыз.
9. Батареяны не батареяларды ашпаңыз не бұзбаңыз.
10. Батареяларды тек олардың жұмысымен таныс қызметкерлер сақтық шараларын
ұстана отырып ауыстыра алады. Ауыстыру үшін саны мен түрі бірдей батареяларды
пайдаланыңыз.
Рұқсаты жоқ қызметкерлерге батареяларды ұстауына тыйым салыңыз.
11. Батареяларды өртке тастамаңыз. Батарея жарылуы мүмкін. Жылыстайтын
электролит тері мен көз үшін зиянды болып табылады.
Батареяны ауыстыру кезінде электр тогының соғу қауіпіне
назар аударыңыз.
1. Батареямен жұмыс істегенде электр тогы соғуы мүмкін және ол қысқа тұйықталатын
күшті ток көзі болуы ықтимал. Батареяларды ауыстыру кезінде келесі сақтық
шараларын ескеру керек:
1)
Сағаттарыңызды, сақиналарыңызды не басқа металл заттарыңызды шешіңіз.
2)
Тұтқалары оқшауланған құралдарды пайдаланыңыз.
3)
Резеңкеден жасалған қолғап пен етік киіңіз.
4)
Батареялардың үстіне құралдар мен металл бөлшектер қоймаңыз.
5)
Батарея клеммаларын қоспас не ажыратпас бұрын зарядтау көзін өшіріңіз.
2. ҮҚК жабдығын желіден ажыратқанда батарея шығыстарында қауіпті кернеу сақталуы
мүмкін. Сол себепті ҮҚК ішінде техникалық қызмет көрсету жұмыстары қажет
болғанда батареяның жалдам қосқыштары арқылы батареяның қуат көзін плюс және
минус полюстары бойынша ажырату керек.
3.
Батареяның ішкі кернеуі 12 В тұрақты токты құрайды. Герметикалық,
қорғасынды-қышқылды, 6 ұяшықты батарея.
Бұл өнім ЕО қауіпсіздік және қоршаған орта ережелеріне сәйкес келеді.
Өнімді қоқысқа тастау уақыты келгенде оның барлық мүмкін бөлшектерін қайта
өңдеңіз. Батареяларды және қайта зарядталатын батареяларды үй қоқысымен
бірге тастауға болмайды. Оларды жергілікті қайта өңдеу орнына апарыңыз.
Бірлесіп қоршаған ортаны қорғай аламыз.
1. Кіріспе
Powerex VI LED
топтамасы - компьютеріңізді немесе сезімтал электронды
жабдықтарыңызды кез келген қуат беру кедергілерінен, соның ішінде
қуаттың толық өшуінен қорғауға арналған «ақылды» және ықшамды,
сызықтық интерактивті ҮҚК (үздіксіз қуат көзі).
Жабдық ішінде барлық
қосылған құрылғылардың ұзағырақ әрі сенімдірек қызмет етуіне жағдай
жасайтын көптеген мүмкіндіктер бар.
2. Экологиялық қауіпсіз конструкция
Powerex VI 450/650/850 ЖД топтамасының әр түрлі артықшылықтар беретін
зарядтауды ауыстырып қосу режимі бар:
зарядтау тиімділігін 80%-дан аса жоғарылатады, әдеттегі ҮҚК
жүйелеріне қарағанда қуатты көбірек үнемдейді;
90% дейін зарядталу үшін бар болғаны 4 сағат қажет, бұл зарядтау
уақытын 50%-ға азайтады;
батареяның зарядталуы кезінде жылудың бөлінуін азайту арқылы
батареяның ұзағырақ қызмет етуіне мүмкіндік береді.
сенімділікті арттырып, ақшаны үнемдеуге мүмкіндік береді.
3. Бума құрамы
Буманың ішінде келесі элементтер болуы керек:
ҮҚК жабдығы
Жылдам іске қосу нұсқаулығы
KZ
KZ
